ಕನ್ನಡ ಸಿನಿಮಾರಂಗದಲ್ಲಿ ಇತ್ತೀಚಿನ ದಿನಗಳಲ್ಲಿ ಹಲವು ಸಿನಿಮಾಗಳು ಹೆಚ್ಚು ಹೆಸರು ಮಾಡಿದ್ದಾದರು ಅದರಲ್ಲಿ ಕೆಲವು ಸಿನಿಮಾಗಳು ಇಡೀ ಚಿತ್ರರಂಗವೇ ತಿರುಗಿ ನೋಡುವಹಾಗೆ ಮಾಡಿದೆ. ಅದರಲ್ಲಿಯೂ ಇತ್ತೀಚೆಗೆ ಬಂದಂತಹ ಸಿನಿಮಾ ಅಂದರೆ “ಕೆ ಚಿ ಎಫ್”, “ಕಾಂತರ” ಇವುಗಳ ಸಾಲಿನಲ್ಲೇ ಮತ್ತೊಂದು ಸಿನಿಮಾವು ಸೇರಿದೆ ಅದೇ “ಕಬ್ಜ”.
ಕಬ್ಜ ಸಿನಿಮಾವು ಬಿಡುಗಡೆಯಾದ ಮೊದಲ ದಿನದ “ಬಾಕ್ಸ್‌ ಆಫೀಸ್” ಕಲೆಕ್ಷನ್ 26 ಕೋಟಿಗೂ ಹೆಚ್ಚು ಗಳಿಕೆನ್ನು ಕಂಡಿದೆ. “ಕಬ್ಜ” ಸಿನಿಮಾವು ಬಹು ನಿರೀಕ್ಷಿತ ಕನ್ನಡದ ಹೆಮ್ಮೆಯ ಪ್ಯಾನ್‌ ಇಂಡಿಯಾ ಸಿನಿಮಾ ಆಗಿದ್ದು , ಈ ಸಿನಿಮಾವು ಮಾರ್ಚ್‌ 17 ರಂದು ಬಿಡುಗಡೆಯಾಗಿ, ಭಾರತದಾದ್ಯಂತ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. “ಕೆ ಜಿ ಎಫ್” ಮತ್ತು ” ಕಾಂತಾರ” ಚಿತ್ರಗಳ ನಂತರ ದೇಶದಾದ್ಯಂತ “ಕಬ್ಜ” ಕನ್ನಡದ ಕೀರ್ತಿ ಪತಾಕೆಯನ್ನು ಮತ್ತೊಮ್ಮೆ ಹಾರಿಸಿದೆ. ಬಿಡುಗಡೆಯಾದ ಮೊದಲ ದಿನವೇ ಭಾರತದಾದ್ಯಂತ 26 ಕೋಟಿಗೂ ಹೆಚ್ಚು “ಬಾಕ್ಸ್‌ ಆಫೀಸ್” ಕಲೆಕ್ಷನ್ ಆಗಿದೆ ಎಂದು ಮಾಹಿತಿ ಲಭ್ಯವಾಗಿದೆ.
ಇತ್ತೀಚೆಗೆ ಬಂದಂತಹ ಸಿನಿಮಾಗಳು ಕನ್ನಡದ ಕೀರ್ತಿ ಪತಾಕೆಯನ್ನು ದೇಶದಾದ್ಯಂತ ಹಾರಿಸುತಿವೆ. ಮೊದಲ ದಿನ ಇಪ್ಪತ್ತಾರು ಕೋಟಿ ಕಲೆಕ್ಷನ್ ಆಗಿದ್ದು, ಮೂಲಗಳ ಪ್ರಕಾರ ಎರಡನೇ ದಿನವು ಐವತ್ತು ಕೋಟಿಗೀ ಅಧಿಕ ಕಲೆಕ್ಷನ್ ಆಗಬಹುದು ಎಂದು ಮಾತು ಕೇಳಿ ಬರುತ್ತಿದೆ. ಹಾಗೂ ಭಾರತದಾಚೆಗೂ “ಕಬ್ಚ” ಸಿನಿಮಾ ಬಿಡುಗಡೆಯಾಗಿದ್ದು, ಅಲ್ಲೂ ಕೂಡ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಆರ್‌ ಚಂದ್ರು ನಿರ್ದೇಶಿಸಿರುವ ಈ ಚಿತ್ರದ ನಾಯಕರಾಗಿ ರಿಯಲ್‌ ಸ್ಟಾರ್‌ ಉಪೇಂದ್ರ ನಟಿಸಿದ್ದಾರೆ. ವಿಶೇಷ ಪಾತ್ರದಲ್ಲಿ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ ಹಾಗೂ ಕರುನಾಡ ಚಕ್ರವರ್ತಿ ಶಿವರಾಜಕುಮಾರ್‌ ಅಭಿನಯಿಸಿದ್ದಾರೆ.
