ಬೆಂಗಳೂರು : ಎಲ್‌ಪಿಜಿ ಗ್ಯಾಸ್ ಸಿಲಿಂಡರ್ ಬಳಸಲು ಒಂದು ಕಾಲಮಿತಿ ಇರುತ್ತದೆ, ನೀವು ಬಳಸುತ್ತಿರುವ ಗ್ಯಾಸ್ ಸಿಲಿಂಡರ್ ಕೂಡ ಎಕ್ಸ್‌ಪೈರಿ ಡೇಟ್‌ ಅನ್ನ ಹೊಂದಿದೆ ಎಂದು ನಿಮಗೆ ತಿಳಿದಿದೆಯೇ? ನಿಮಗೆ ಗೊತ್ತಿಲ್ಲದಿದ್ದರೆ, ಅದನ್ನು ತಿಳಿದುಕೊಳ್ಳುವ ಮಾರ್ಗವನ್ನು ನಾವು ನಿಮಗೆ ಹೇಳುತ್ತಿದ್ದೇವೆ. ಈಗಲೇ ಪರೀಕ್ಷಿಸಿಕೊಳ್ಳಿ.
ಗ್ಯಾಸ್ ಸಿಲಿಂಡರ್‌ಗಳು ಸಾಮಾನ್ಯವಾಗಿ ಮೂರು ಪಟ್ಟಿಗಳನ್ನು ಹೊಂದಿರುತ್ತವೆ, ಅಲ್ಲಿ ಸಿಲಿಂಡರ್‌ನ ತೂಕ ಮತ್ತು ಅದರ ಎಕ್ಸ್‌ಪೈರಿ ಡೇಟ್‌ ಬರೆಯಲಾಗುತ್ತದೆ. ನಿಮ್ಮ ಮನೆಯಲ್ಲಿ ಬರುವ ಸಿಲಿಂಡರ್‌ಗಳು ಅವಧಿ ಮೀರಿದ ದಿನಾಂಕ ಹೊಂದಿರಬಹುದು, ಇದು ಅಪಾಯಕಾರಿ. ಆದ್ದರಿಂದ ಸಿಲಿಂಡರ್ ಬಂದಾಗಲೆಲ್ಲಾ ನೀವು ಅದರ ಮುಕ್ತಾಯ ದಿನಾಂಕವನ್ನು ಪರಿಶೀಲಿಸುವುದು ಮುಖ್ಯ.
ಇದನ್ನೂ ಓದಿ : PINCODE or POSTAL CODE : ಪಿನ್‌ ಕೋಡ್‌ನಲ್ಲಿ ಏಕೆ ಕೇವಲ 6 ಅಂಕೆಗಳು ಇರುತ್ತವೆ ಗೊತ್ತೇ ?
ಇಂಡಿಯನ್ ಆಯಿಲ್, ಭಾರತ್ ಪೆಟ್ರೋಲಿಯಂ ಮತ್ತು ಹಿಂದುಸ್ತಾನ್ ಪೆಟ್ರೋಲಿಯಂ ಈ ಮೂರು ಕಂಪನಿಗಳ ಎಲ್‌ಪಿಜಿ ಸಿಲಿಂಡರ್‌ಗಳಲ್ಲಿ ಯಾವಾಗಲು ಮೂರು ಸ್ಟ್ರಿಪ್‌ಗಳು ಇರುತ್ತವೆ. ಇದರಲ್ಲಿ ಸಿಲಿಂಡರ್‌ನ ತೂಕವನ್ನು ಎರಡು ಪಟ್ಟಿಗಳಲ್ಲಿ ಬರೆಯಲಾಗಿರುತ್ತದೆ ಮತ್ತು ಕೆಲವು ಸಂಖ್ಯೆಗಳನ್ನು ಮೂರನೇ ಪಟ್ಟಿಯಲ್ಲಿ ಬರೆಯಲಾಗಿರುತ್ತದೆ. ಇದು ವಾಸ್ತವವಾಗಿ ಸಿಲಿಂಡರ್‌ನ ಎಕ್ಸ್‌ಪೈರಿ ಡೇಟ್‌ ಆಗಿದೆ.
ಸಿಲಿಂಡರ್‌ನ ಎಕ್ಸ್‌ಪೈರಿ ಡೇಟ್‌ ಅನ್ನು ನೀವು ಹೇಗೆ ಪರಿಶೀಲಿಸಬೇಕು – ಸಿಲಿಂಡರ್ ಸ್ಟ್ರಿಪ್ ಮೇಲೆ A-22, B-24 ಅಥವಾ C-23, D-21 ಎಂದು ಬರೆದಿರುವುದನ್ನು ನೀವು ನೋಡಿರಬೇಕು. ಈ ನಾಲ್ಕು ಅಕ್ಷರಗಳನ್ನು ತಿಂಗಳುಗಳಲ್ಲಿ ವಿಂಗಡಿಸಲಾಗಿದೆ-
ಎ ಎಂದರೆ ಜನವರಿಯಿಂದ ಮಾರ್ಚ್ ವರೆಗೆ
ಬಿ ಎಂದರೆ ಏಪ್ರಿಲ್ ನಿಂದ ಜೂನ್
ಸಿ ಎಂದರೆ ಜುಲೈನಿಂದ ಸೆಪ್ಟೆಂಬರ್
ಡಿ ಎಂದರೆ ಅಕ್ಟೋಬರ್ ನಿಂದ ಡಿಸೆಂಬರ್
ಎ, ಬಿ, ಸಿ ಮತ್ತು ಡಿ ಅಂಕಿಗಳ ನಂತರ ಬರೆದ ಸಂಖ್ಯೆಯು ಮುಕ್ತಾಯದ ವರ್ಷವಾಗಿದೆ. ಅಂದರೆ, ಡಿ -22 ಅನ್ನು ಸ್ಟ್ರಿಪ್ ಮೇಲೆ ಬರೆದರೆ, ಸಿಲಿಂಡರ್ ಡಿಸೆಂಬರ್ 2022 ಕ್ಕೆ ಮುಗಿಯುತ್ತದೆ. ಪ್ರತಿ ಎಲ್‌ಪಿಜಿ ಗ್ಯಾಸ್ ಸಿಲಿಂಡರ್ ಬಳಸಲು ಒಂದು ಕಾಲಮಿತಿ ಇದೆ. ಈ ಅವಧಿಯ ನಂತರ ಸಿಲಿಂಡರ್‌ಗಳನ್ನು ಪರೀಕ್ಷಿಸಬೇಕು.
ಇದನ್ನೂ ಓದಿ : ಫೇಸ್‌ಬುಕ್‌ ಕಂಪನಿಯ ಡೇಟಾ ಹ್ಯಾಕ್ ಆಗಿದೀಯಾ?
ಗ್ಯಾಸ್ ಸಿಲಿಂಡರ್ ಘಟಕದಲ್ಲಿ ಸಿಲಿಂಡರ್‌ಗಳನ್ನು ಪರೀಕ್ಷಿಸಲಾಗುತ್ತದೆ. ಅನೇಕ ಬಾರಿ ಜನರು ವರ್ಷಗಳ ಕಾಲ ಸಿಲಿಂಡರ್ ಬಳಸುವುದಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ, ಅಂತಹ ಸಿಲಿಂಡರ್‌ಗಳನ್ನು ಪರಿಶೀಲಿಸುವುದು ಬಹಳ ಮುಖ್ಯವಾಗುತ್ತದೆ. ತನಿಖೆ ಮಾಡದಿದ್ದರೆ ದೊಡ್ಡ ಅವಘಡ ಸಂಭವಿಸಬಹುದು.
