ಉದ್ಯಮಿ ಆನಂದ್ ಮಹೇಂದ್ರ ಯಾವಾಗಲೂ ತಮ್ಮ ಟ್ವೀಟ್‌ಗಳೊಂದಿಗೆ ಸ್ಫೂರ್ತಿದಾಯಕ ಸಂದೇಶಗಳನ್ನು ನೀಡುತ್ತಿರುತ್ತಾರೆ. ಇತ್ತೀಚಿನ ಅವರು ಮಾಡಿರುವ ಟ್ವೀಟ್ನಲ್ಲಿ ಅವರು ನಾಯಿಮರಿಯೊಂದು ಬಾಗಿಲನ್ನು ತಳ್ಳುತ್ತಿರುವ ವೀಡಿಯೊವನ್ನು ರೀ ಟ್ವೀಟ್ ಮಾಡಿ ಪೋಸ್ಟ್ ಮಾಡಿದ್ದಾರೆ ಅದರ ಜೊತೆಗೆ ವೀಡಿಯೊಗೆ ವಿಶೇಷವಾದ ಟ್ಯಾಗ್‌ಲೈನ್ ಸಹ ಹಾಕಿದ್ದಾರೆ.
ಗ್ಲಾಸ್‌ ಇಲ್ಲದ ಬಾಗಿಲಿನ ಬಳಿ ನಿಂತಿದ್ದ ನಾಯಿ ಮರಿಯೊಂದು ಗ್ಲಾಸ್‌ ಇದೆ ಎಂದು ತಿಳಿದು ಪದೇ ಪದೇ ಅದನ್ನು ತೆರೆಯಲು ಪ್ರಯತ್ನ ಪಡುತ್ತಿರುವ ವಿಡಿಯೋ ಇದಾಗಿದ್ದು “ನಮ್ಮ ದಿನನಿತ್ಯದ ಹ್ಯಾಬಿಟ್‌ಗಳಿಗೆ ನಾವು ಹೇಗೆ ಅಡಿಕ್ಟ್‌ ಆಗಿರುತ್ತೆವೆ ಎಂದು ತೋರಿಸಲು ಇದಕ್ಕಿಂತ ಉತ್ತಮ ದಾರಿ ಇಲ್ಲ” ಎಂದು ಆನಂದ್ ಮಹಿಂದ್ರಾರವರು ಬರೆದುಕೊಂಡಿದ್ದಾರೆ. ಕೊನೆಯಲ್ಲಿ ಗ್ಲಾಸೇ ಇಲ್ಲದ ಬಾಗಿಲನ್ನು ಅಲ್ಲಿರುವ ಒಬ್ಬರು ತೆರೆದಾಗ ಆ ನಾಯಿ ಮರಿ ಓಡಿ ಹೋಗುತ್ತದೆ.
ಇದನ್ನು ಒಂದು ಒಳ್ಳೆಯ ಸಂದೇಶಕ್ಕಾಗಿ ಬಳಸಿದ್ದಕ್ಕಾಗಿ ಸಾಮಾನ್ಯವಾಗಿಯೇ ನೆಟ್ಟಿಗರು ಈ ಟ್ವೀಟ್ ಅನ್ನು ಇಷ್ಟ ಪಟ್ಟರು. ಆ ಟ್ವೀಟ್ ಆನ್‌ಲೈನ್‌ನಲ್ಲಿ ಪೋಸ್ಟ್ ಮಾಡಿದ ಕೆಲವೇ ದಿನಗಳಲ್ಲಿ ಏಳು ಸಾವಿರ ಲೈಕ್‌ಗಳು ಬಂದವು. ಅನೇಕ ಜನರು ರೀಟ್ವೀಟ್ ಮಾಡಿದ್ದಾರೆ. ಕೆಲವರು ಜೀವನದಲ್ಲಿ ಬದಲಾವಣೆಗಳಿಗೆ ಸಿದ್ಧರಾಗುವಂತೆ ಸೂಚಿಸುತ್ತಾರೆ.
