ಅಂಬಾಲಾ : ಉತ್ತರ ಪ್ರದೇಶದ ಲಖಿಂಪುರ್ ಖೇರಿಯಲ್ಲಿ ರೈತರ ಮೇಲಿನ ದೌರ್ಜನ್ಯದ ಕುರಿತು ಗಲಾಟೆ ಮುಂದುವರೆದಿದೆ, ಇದೇ ವೇಳೆ ಹರಿಯಾಣದ ಅಂಬಾಲಾ ಜಿಲ್ಲೆಯ ನಾರಾಯಣಗಢದಲ್ಲಿ ಇದೇ ರೀತಿಯ ಘಟನೆ ನಡೆದಿದೆ. ಕುರುಕ್ಷೇತ್ರದ ಬಿಜೆಪಿ ಸಂಸದ ನಾಯ್ಬ್ ಸಿಂಗ್ ಸೈನಿ ಅವರ ಬೆಂಗಾವಲು ವಾಹನ ರೈತ ಭವನಪ್ರೀತ್ ಮೇಲೆ ನುಗ್ಗಿದ್ದು, ಆ ರೈತ ಈಗ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಈ ಘಟನೆಯ ಬಗ್ಗೆ ಮಾಹಿತಿ ಪಡೆದ ನಂತರ, ರೈತರು ಸ್ಥಳದಲ್ಲಿ ಜಮಾಯಿಸಲು ಆರಂಭಿಸಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ಭದ್ರತೆಗಾಗಿ ಪೊಲೀಸರನ್ನು ನಿಯೋಜಿಸಲಾಗಿದೆ. ಭವನಪ್ರೀತ್‌ನನ್ನು ಕೊಲ್ಲುವ ಉದ್ದೇಶದಿಂದ ಅವರ ಮೇಲೆ ವಾಹನ ಹತ್ತಿಸಿದ್ದಾರೆ ಎಂದು ರೈತರು ಆರೋಪಿಸಿದ್ದಾರೆ.
ಡಿಕ್ಕಿಯಾದ ವಾಹನ ಸಂಸದರ ಹೆಸರಿ ನೋಂದಾವಣಿ : ಸಂಸದ ನಯಬ್ ಸಿಂಗ್ ಸೈನಿ ನಾರಾಯಣಗಢಕ್ಕೆ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಲು ಆಗಮಿಸಿದ್ದರು. ಅವರ ಆಗಮನದ ಮಾಹಿತಿ ಪಡೆದ ರೈತರು ಪ್ರತಿಭಟನೆಗೆ ಮುಂದಾದರು. ಕಾರ್ಯಕ್ರಮದ ನಂತರ ಸೈನಿ ತನ್ನ ಬೆಂಗಾವಲಿನೊಂದಿಗೆ ಹೊರಟಾಗ, ಭವನಪ್ರೀತ್ ಇದ್ದಕ್ಕಿದ್ದಂತೆ ರಸ್ತೆಗೆ ಬಂದರು ಎಂದು ಹೇಳಲಾಗುತ್ತಿದೆ. ಆಗ ಸಂಸದರ ಬೆಂಗಾವಲಿನ ಕಾರು ಆತನಿಗೆ ಡಿಕ್ಕಿ ಹೊಡೆದಿದೆ. ಭವನ್‌ಪ್ರೀತ್‌ಗೆ ಅಪ್ಪಳಿಸಿದ ಇನ್ನೋವಾ ಕಾರನ್ನು (ಎಚ್‌ಆರ್ 04 ಎಫ್ 0976) ಸಂಸದ ನಾಯಬ್ ಸಿಂಗ್ ಸೈನಿ ಹೆಸರಿನಲ್ಲಿ ನೋಂದಾಯಿಸಲಾಗಿದೆ ಎಂದು ರೈತ ಮುಖಂಡರು ಹೇಳುತ್ತಾರೆ.
ಸಂಸದರು ಮತ್ತು ಚಾಲಕರ ವಿರುದ್ಧ ರೈತರು ದೂರು: ಘಟನೆಯ ನಂತರ, ರೈತರು ಕಾರು ಚಾಲಕ ರಾಜೀವ್ ವಿರುದ್ಧ ನಾರಾಯಣಗಢ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಭಾರತೀಯ ಕಿಸಾನ್ ಯೂನಿಯನ್ ದೂರಿನಲ್ಲಿ ರೈತರು ಕೃಷಿ ಕಾನೂನುಗಳ ವಿರುದ್ಧ ಪ್ರತಿಭಟನೆ ನಡೆಸುತ್ತಿದ್ದಾರೆ ಎಂದು ಹೇಳಿದರು. ಅದೇ ಸಮಯದಲ್ಲಿ, ಸಂಸದರ ಚಾಲಕ ರಾಜೀವ್ ಇನ್ನೋವಾ ವಾಹನ HR04F0976 ಅನ್ನು ರೈತರ ಕಡೆಗೆ ಅತಿವೇಗದಲ್ಲಿ ಚಲಾಯಿಸಿದರು. ಈ ವಾಹನವನ್ನು ಸಂಸದರ ಹೆಸರಲ್ಲಿ ಮಾತ್ರ ನೋಂದಾಯಿಸಲಾಗಿದೆ ಎಂದು ರೈತರು ಹೇಳಿದ್ದಾರೆ.
