ಮುಂಬೈ : ಡ್ರಗ್ ಆನ್ ಕ್ರೂಸ್ ಪ್ರಕರಣದಲ್ಲಿ ಬಂಧನದ ನಂತರ ಚಲನಚಿತ್ರ ನಟ ಶಾರುಖ್ ಖಾನ್ ಅವರ ಪುತ್ರ ಆರ್ಯನ್ ಖಾನ್ ಅವರಿಗೆ ಇಂದು ಜಾಮೀನು ನಿರಾಕರಿಸಲಾಗಿದೆ. 23 ವರ್ಷದ ಆರ್ಯನ್ ಖಾನ್ ಗೆ ಮುಂಬೈ ನ್ಯಾಯಾಲಯವು ಗುರುವಾರ ತನಕ ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್ ಸಿಬಿ) ವಶಕ್ಕೆ ನೀಡಿದೆ. ಆರ್ಯನ್ ಖಾನ್ ಪೋಷಕರು ಶಾರುಖ್ ಮತ್ತು ಗೌರಿ ಖಾನ್ ಜಾಮೀನು ವಿಚಾರಣೆಗೆ ಹಾಜರಾಗಿಲ್ಲ.
ನ್ಯಾಯಾಧೀಶರು ಆರ್ಯನ್ ಖಾನ್ ಮತ್ತು ಇತರ ಏಳು ಮಂದಿಯ ಕಸ್ಟಡಿಯನ್ನು ವಿಸ್ತರಿಸಿ, “ತನಿಖೆಯು ಅತ್ಯಂತ ಮಹತ್ವದ್ದಾಗಿದೆ ಮತ್ತು ಅದನ್ನು ಪೂರ್ಣಗೊಳಿಸಬೇಕಾಗಿದೆ. ಇದು ಆರೋಪಿ ಮತ್ತು ತನಿಖಾಧಿಕಾರಿ ಇಬ್ಬರಿಗೂ ಪ್ರಯೋಜನವನ್ನು ನೀಡುತ್ತದೆ.” ಎಂದರು
ನ್ಯಾಯಾಧೀಶರು ತೀರ್ಪು ನೀಡಿದಾಗ ಅವರ ಆರ್ಯನ್ ಖಾನ್ ಸ್ನೇಹಿತರಾದ ಅರ್ಬಾಜ್ ಮರ್ಚೆಂಟ್ ಮತ್ತು ಮುನ್ಮುನ್ ಧಮೇಚಾ ಧೃತಿಗೆಟ್ಟರೆ ಆರ್ಯನ್ ಖಾನ್ ಶಾಂತವಾಗಿದ್ದನು. ಡ್ರಗ್ಸ್ ವಿರೋಧಿ ಏಜೆನ್ಸಿ ರಹಸ್ಯವಾಗಿ ಹೋಗಿ ಶನಿವಾರ ಸಂಜೆ ಮುಂಬೈನಿಂದ ಗೋವಾಕ್ಕೆ ಹೊರಟಿದ್ದ “ಕಾರ್ಡೆಲಿಯಾ” ಕ್ರೂಸ್ ನಲ್ಲಿ ರೇವ್ ಪಾರ್ಟಿಯ ಮೇಲೆ ದಾಳಿ ಮಾಡಿದ ನಂತರ ಎಲ್ಲಾ ಎಂಟು ಮಂದಿಯನ್ನು ಬಂಧಿಸಲಾಗಿದೆ.
ದಾಳಿಯ ಸಮಯದಲ್ಲಿ 13 ಗ್ರಾಂ ಕೊಕೇನ್, 21 ಗ್ರಾಂ ಚರಸ್, 22 ಮಾತ್ರೆಗಳ ಎಂಡಿಎಂಎ ಮತ್ತು 5 ಗ್ರಾಂ ಎಂಡಿ ಪತ್ತೆಯಾಗಿದೆ. ಇವುಗಳನ್ನು ಬಟ್ಟೆ, ಒಳ ಉಡುಪು ಮತ್ತು ಪರ್ಸ್ ನಲ್ಲಿ ಅಡಗಿಸಿರುವುದು ಪತ್ತೆಯಾಗಿದೆ. ಹೆಚ್ಚಿನ ವಿಚಾರಣೆಗಾಗಿ ಆರ್ಯನ್ ಖಾನ್ ಅವರನ್ನು ಅಕ್ಟೋಬರ್ 11 (ಸೋಮವಾರ ವಾರ) ವರೆಗೂ ಕಸ್ಟಡಿಯಲ್ಲಿ ಇರಿಸಬೇಕಾಗುತ್ತದೆ ಎಂದು ಸಂಸ್ಥೆ ನ್ಯಾಯಾಲಯಕ್ಕೆ ತಿಳಿಸಿದೆ. ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ ಈ ಪ್ರಕರಣದಲ್ಲಿ ಅಂತರಾಷ್ಟ್ರೀಯ ಡ್ರಗ್ ಕಾರ್ಟೆಲ್ ಭಾಗಿಯಾಗಿದೆ ಎಂದು ಆರೋಪಿಸಿದೆ.
ನಾವು ಬಳಕೆದಾರರನ್ನು ತನಿಖೆ ಮಾಡದ ಹೊರತು, ಪೂರೈಕೆದಾರರು ಯಾರು, ಯಾರು ಹಣ ನೀಡುತ್ತಿದ್ದಾರೆ ಎಂದು ನಮಗೆ ಹೇಗೆ ಗೊತ್ತು ಎಂದು ಸಂಸ್ಥೆ ಹೇಳಿದೆ. ಚಾಟ್‌ಗಳು ಇತ್ಯಾದಿ ಲಿಂಕ್‌ಗಳು ಅಂತಾರಾಷ್ಟ್ರೀಯ ಕಾರ್ಟೆಲ್‌ಗಳ ಒಳಗೊಳ್ಳುವಿಕೆಯನ್ನು ಸೂಚಿಸುತ್ತವೆ. ಆರ್ಯನ್ ಖಾನ್ ಅವರ ಚಾಟ್‌ಗಳಲ್ಲಿ ಕೋಡ್ ಹೆಸರುಗಳು ಕಂಡುಬಂದಿವೆ ಮತ್ತು ಬ್ಯಾಂಕ್ ಮತ್ತು ನಗದು ವರ್ಗಾವಣೆಗಳ ಲಿಂಕ್‌ಗಳನ್ನು ಪರಿಶೀಲಿಸಲಾಗಿದೆ. ಏಜೆನ್ಸಿಯ ವಕೀಲರು ನ್ಯಾಯಾಲಯಕ್ಕೆ ತಿಳಿಸಿದರು.
